Er du for liten for Strunkeveko? Fortvil ikkje – Ministrunken ventar på deg! Valdres Folkemuseum er den idylliske arenaen for to-dagarskurset «Ministrunken» for barn i alderen 6–11 år. Du må melde deg på Ministrunken og alle kurs brukar å bli fylt opp.

Onsdag 10. og torsdag 11. juli under Jørn Hilme-stemnet står song, dans, hardingfele, fele, langeleik og toradar på planen frå kl. 10.00 til kl. 15.00.

Medan dei vaksne kan oppleva museet, gå på kurs på Hilme-stemnet eller utforske Valdres på eiga hand, er dei trivelege stovene på museet kursarena for Ministrunken. I tillegg til læring er det fleire fellesøkter med leik og moro utandørs på museumsområdet.

Torsdag får Ministrunkane sjølve halde konsert. Her får dei høve til å vise fram kva dei har lært på kurset – ein verkeleg publikumsvinnar!

Instruktør: Rannveig Djønne

Rannveig kjem frå Hardanger og har spelt toradar i 42 år. Toradaren har vore ein særs god ven i ulike musikalske samanhengar i alt frå gamaldans, speling i kyrkja og til rap og progrock. Ho er og har vore lærar i ulike kulturskular og på ulike kurs i inn-og utland. Spesielt kjekt tykkjer ho det er å undervisa dei yngste toradarspelarane, og ho gler seg til veldig til Ministrunken

Å vera med på Ministrunken kostar 1.000 kr, noko som inkluderer mat, instruksjon og konsertar.

NB! Hugs påmeldingsfristen 1. juni kl. 23.59!