Strunkeveko ønskjer igjen å tilby kurs på munnharpe! For å vera med på munnharpe bør du kjenne instrumentet godt, ha grunnleggjande ferdigheiter, kunne spela melodiar og gjerne nokre slåttar. På kurset vil du lære slåttar frå Setesdal og få tips til vidare utvikling. 

Lærar: Eivind Tanche-Larsen Knutsen!

Eivind Tanche-Larsen Knutsen er 25 år og kjem frå Rysstad i Setesdal. Han har jamnleg deltatt på kappleikar som soloutøvar på munnharpe og fele, men også som dansespelemann. Eivind spelar slåttar i setesdalstradisjon, og har hatt Sigurd Brokke som største læremeister, men også andre lokale utøvarar. Foto: Knut Utler

Vi gjer merksame på at de må svare på nokre obligatorike spørsmål (namn, fødselsår og deling av foto/film), og nokre frivillige spørsmål (romønskje, allergi/diett) ved påmelding.