Velkommen til Strunkehelg på Merket 16.–18. januar 2026.

For å vera med på munnharpe bør du kjenne instrumentet godt, ha grunnleggjande ferdigheiter og kunne spela nokre slåttar. På kurset vil du lære slåttar frå Setesdal og få tips til vidare utvikling.

Instruktør på munnharpekurset er Eivind Tanche-Larsen Knutsen. Han er 25 år og kjem frå Rysstad i Setesdal. Han har jamnleg deltatt på kappleikar som soloutøvar på munneharpe og fele, men også som dansespelemann. Eivind spelar slåttar i setesdalstradisjon, og har hatt Sigurd Brokke som største læremeister, men også andre lokale utøvarar. Foto: Knut Utler

Det blir også kurs i pardans, halling, hardingfele, fele, torader, song og langeleik. Aldersgrense 11–20 år.

Vi gjer merksame på at de må svare på nokre obligatorike spørsmål (namn, fødselsår og deling av foto/film), og nokre frivillige spørsmål (romønskje, allergi/diett) ved påmelding.