Halling


Strunkeveko Hallingkurs med Anita Vika Langødegård og Håkon Aasen

Hallingen har eldgamle tradisjonar i Noreg, og har nådd eit skyhøgt nivå med utøvarar som tek dansen til nye høgder. Anten du har store ambisjonar eller du berre er spretten og danseglad, er hallingkurset på Strunkeveko plassen å bli ein betre hallingdansar. Ved sidan av store mengder hallingdans blir det også fleire økter med både akrobatikk og godkarstykke. 

Anita Vika Langødegård kjem frå Valdres. Ho begynte å danse i kultuskulen då ho var rundt fjorten år og dansa etterkvart meir aktivt i Bygda Dansar i Oppland, før ho gjekk på FRIKAR Akademeiet. Anita er utdanna ved Norges Dansehøgskule. Ho er utøvande dansar i tillegg til å undervise i samtidsdans og folkedans.

Håkon Aasen er ein av landets beste unge folkedansarar. Han er oppvaksen i Øystre Slidre. I tillegg til halling dansar han også andre folkedansar som runddans, springar og bonde. Gjennom åra har han delteke på mange ulike oppdrag som til dømes opninga av Ungdoms OL. Håkon hadde hovudrolla som Sigvat av Leirhol i spelet om Riddarspranget og han var med på HILME-framsyninga «På Pynte» i fjor.

Søskenmoderasjon: Dersom to eller fleire søsken deltek på kurset får de ein søskenmoderasjon. Moderasjonen er på 500 kr og du skriv då inn rabattkoda «Søskenpris» i feltet som sier: «Hvis du har en promo-kode, legg den inn her». NB: rabatten skal bli synleg på prisen før betalinga er gjennomført. 

 

KJØP BILLETT »

Kurs
Start: Sundag 5. juli kl. 17.00
Slutt: Fredag 10. juli kl. 17.00
Stad: Strunkeveko, Merket i Tisleidalen
Pris: 3 500 kr